И покрај глобалниот тренд на електрификација и милијардите вложени во развој на електрични возила, од „BMW“ доаѓа јасна порака – мотори со внатрешно согорување (ICE) ќе останат дел од иднината.

Членот на управниот одбор на бавараскиот производител, Јохен Голер, недвосмислено порача дека верува оти класичните и електричните погонски системи ќе коегзистираат уште долго време.

Изјавата на Голер одекна во светот на автомобилите: „Стандардните мотори никогаш нема да исчезнат. Никогаш“. Со ова ја потврди стратегијата на компанијата која, и покрај големите инвестиции во новата генерација електрични модели, не планира да се откаже од развојот и производството на бензинци и дизел мотори.

Безбедноста и нови модели

Додека „BMW“ гледа кон иднината на погонските системи, другите производители се соочуваат со актуелни предизвици. „Tesla“ под притисок на јавноста и безбедносните агенции започна со редизајн на кваките на вратите поради загриженост дека патниците во случај на несреќа може да останат заробени во возилото.