Од појавата на ChatGPT, Midjourney и други слични системи, прашањето кое сѐ почесто го слушаме на глас е: Дали машините наскоро ќе ги заменат луѓето во креативните професии.

Новинарството меѓу брзината и автентичноста

AI и денес пишува кратки вести, деловни извештаи и спортски резултати. Големите светски медиуми како „Reuters“ и „Bloomberg“ ги користат алгоритмите за автоматско генерирање текстови. Брзината и прецизноста на податоци се неоспорни, но проблемот е во нешто подлабоко.

Во светот преплавен со содржини она што ги разликува новинарите од машините е контекстот, интуицијата и емпатијата. AI може да симулира тон и стил, но не и човековото разбирање на мотивот, стравот или неправдата.

Преведување – точност без душа

Програмите како DeepL и Google Translate драстично го зголемиле квалитетот на преведување, па многу од преведувачите денес повеќе работат како уредници отколку како класични преведувачи.

AI може да ги разбере нијансите, фразите и контекстот, но уметничкиот превод, поезијата и книжевноста остануваат негова најголема слабост.

AI може да каже што значи реченицата, но не и зошто боли. Во пракса, многу од преведувачите веќе соработуваат со вештачката интелигенција, ја користат како алатка, но конечните зборови и натаму ги носи човекот.

Дизајнери меѓу инспирација и алгоритми

Алатките како Midjourney, DALL и Canva Magic Studio овозможиле секој да може да користи фотографии, логоа и концепти за неколку секунди. Некои дизајнери стравуваат дека нивната работа ќе исчезне, додека други веруваат дека ќе преживеат само оние кои AI го гледаат како соработник, а не ривал.

AI ги забрзува процесите и ја проширува креативноста, но често останува „заробен“ во познатите обрасци.

Нов поредок

Вештачката интелигенција не ги брише креативните професии, ги менува од корен. Новинарите стануваат аналитичари и коавтори на информации, преведувачите уредници со значење, а дизајнерите стратези на виртуелен идентитет.

Она што преживува не е професијата туку човековата способност за разбирање, поврзување и чувствување.