Годинава Португалија се истакнала на листата номинирани кои опфаќала 12 земји: Австрија, Франција, Германија, Грција, Ирска, Италија, Норвешка, Шпанија, Шведска, Швајцарија и Турција.

Педро Мачедо, државен секретар за туризам, трговија и услуги, рекол дека ова признание „ја одржува работата, посветеноста и квалитетот на сите професионалци кои секојдневно ја прават Португалија еден од главните столбови во туризмот“.

Вреди да се спомне и Лисабон којшто ја освоил наградата за најдобра дестинација за градски одмор во Европа, а и Порто којшто ја освоил наградата за најдобра урбана дестинација во Европа.

Зошто баш Португалија?

Претседателот на португалската туристичка организација, Карлос Абаде, додал дека оваа награда покажува голем потенцијал во Португалија како една од најдобрите туристички дестинации во Европа. Познати како „Оскари на туризмот“, Светска награда за патување постои од 1993 година и секоја година оддаваат признание на глобалната туристичка и угостителска индустрија.

Португалија со години се истакнува како една од најатрактивните европски туристички дестинации благодарение на комбинациите на природна убавина, културна разновидност, безбедност, гостопримливост и пристапни цени.

Има над 300 сончеви денови годишно, што ја прави идеална дестинација дури и надвор од летната сезона. Особено е популарна меѓу Европјаните кои бараат топла, но не премногу оддалечена дестинација назима.

Португалија редовно се рангира меѓу најдобрите земји на светот (често меѓу првите 5 според Глобалнит индекс за мир). Локалните жители се познати по својата топлина и љубезност кон туристите.