Растечкото ниво на морето повеќе не е далечна закана туку сега се загрозени милиони луѓе во критична инфраструктура во крајбрежните региони. Новата детална студија сега го квантифицира обемот на оваа закана.

„Сите ќе бидеме погодени од климатските промени и порастот на нивото на морето, без оглед на тоа дали живееме покрај океан или не“, вели Ерик Галбрејт, експерт за Земјата на канадскиот Универзитет McGill и коавтор на студијата во објава на веб-страницата на Универзитетот.

Катастрофални последици

Студијата се фокусирала на Африка, југоисточна Азија и Централна и Јужна Америка. Користени биле сателитски снимки со висока резолуција, податоци за згради и напредни методи на машинско учење за да се идентификува кои структури се најзагрозени.

Близу 750 милиони луѓе, околу десеттина од човештвото, живее покрај пет километри од крајбрежјето, што значи дека дури и умерен пораст на нивото на морето би можело да има катастрофални последици.

Студија објавена во магазинот „Urban Sustainability“, анализирала 840 милиони згради во три сценарија со пораст на нивото на морето: 0,5 метри, 5 метри и 20 метри.

Порастот на вода од половина метри би поплавило околу 3 милиони згради. Порастот на вода од пет метри би потопило 45 милиони згради и би уништило повеќе од 80 отсто од зградите во некои од земјите, додека порастот на вода од 20 метри би загрозило повеќе од 130 милиони згради.

„Сите зависиме од робата, храната и горивото за превоз низ пристаништата и крајбрежната инфраструктура, изложена на порастот на нивото на морето. Прекинувањето во оваа критична инфраструктура би можело да предизвика хаос во нашата глобално меѓучовечна поврзана економија и прехранбен систем“, додал Галбрејт.

Незапирлив процес

Порастот на нивото на морето е бавен, но незапирливиот процес на глобално загревање веќе влијае на луѓето кои живеат покрај крајбрежјата и ќе трае со векови, вели геофизичарката Наталија Гомез, коавторка на студијата.

Екологот Џеф Кардил, исто така од истиот Универзитет, додава дека некои од крајбрежните земји би можеле да бидат поранливи од останатите поради специфичниот терен и локацијата на зградите.

Интерактивната мапа сега им помага на урбанистите да ја заштитат постоечката инфраструктура и да планираат идни проекти. Со оглед на тоа што нивото на морето ширум светот расте со брзина од 4,5 милиметри годишно, стратегиите за приспособување стануваат неопходни.

„Не можеме целосно да избегнеме дури ни умерен пораст на нивото на морето. Колку порано крајбрежната заедница почне да планира, толку шансите ќе бидат поголеми за успешен опстанок“, заклучиле експертите за околина од Универзитетот Викторија во Канада.