Обвинувањата на Јоци

Во долга објава, Јоци тврди дека Миа Костова и нејзината партнерка, кои живеат во изнајмена куќа веднаш до нејзината, со месеци наназад создаваат бучава и немир во маалото, организирајќи гласни дружби и пијанки во дворот. Според неа, ситуацијата кулминирала со вербални закани, поради што најави поднесување пријава во Министерството за внатрешни работи.

Насилникот Миа Костова, која живее под кирија (куќа до мојата) и имаат навика по цели денови да се пијанчат со девојка...

Posted by Jordanka Joci Ivanovska on Недела, 2 ноември 2025

„Насилникот Миа Костова, која живее под кирија (куќа до мојата) и има навика по цели денови да се пијанчи со девојка ѝ во двор, со дерење и гласни музики од пладне до доцна вечерта, утре ќе биде пријавена за закани кон мене во МВР. Тоа е мојот одговор до неа“, напиша Ивановска.

Во продолжение, Јорданка изнесе низа остри квалификации за Костова, нарекувајќи ја „неписмена и шуплива“, тврдејќи дека јавноста не ја познава нејзината вистинска страна и дека во реалниот живот е „агресивна, конфликтна, психички лабилна и опасна за околината“. Таа истакна дека не се познава лично со Костова и дека единствениот нејзин конфликт бил со сопственикот на куќата, нивен долгогодишен сосед.

„Костова не е сопственик на куќата каде што лумпува и тероризира луѓе кои сакаат мир. Моја расправија имам со сопственикот, со кој сме соседи 40 години. А на неа очигледно ѝ се измешале жиците“, напиша таа. Ивановска додаде дека поседува материјални докази за заканите и дека полицијата ќе биде вклучена во решавањето на случајот.

Новинарката заврши со сериозни лични обвинувања, повикувајќи пријатели на Костова да ѝ помогнат „околу алкохолот кој пречесто го консумира“ и дека „последна ќе дознае дека ѝ треба помош“.

Одговорот на Миа Костова

Инфлуенсерката Миа Костова возврати со објава, негирајќи ги тврдењата на Јоци и сугерирајќи дека токму Ивановска има здравствени и психички проблеми.

„Никој не паѓа на провокации од алкос со неколку хоспитализации, неврзано за алкохолизмот туку за дијагнозата која не знаеме ни дали е наследна. Јоцки сака да удира во празно, ама не може, затоа што сѐ што има е празна куќа во Козле. Сама е и ние комшиите треба да препознаеме кога е во епизода“, напиша Костова.

Таа тврди дека соседите живеат „нормално без стрес и драматизирање“ и дека никој од нив нема проблем со нејзиното однесување.

„Да е сѐ како што кажува Јоци, досега ќе викнала полиција. Ама не вика, затоа што нема потреба“, додава инфлуенсерката, на крај завршувајќи со саркастичен повик:

„Да се помолиме оваа 25-та епизода да помине без предолго малтретирање на комшиите. Ела, имаме малини“.

Кој е кој во конфликтот

Јорданка Јоци Ивановска е долгогодишна новинарка, позната по своите колумни и јавни настапи со критички ставови кон политиката и општеството. Од друга страна, Миа Костова е позната инфлуенсерка и поранешна телевизиска водителка, активна на социјалните мрежи.

Јавна димензија и можни правни последици

Иако сѐ започнало како соседска расправија, двостраните јавни обвинувања ја надминаа приватната рамка и предизвикаа интерес на пошироката јавност. Дел од граѓаните коментираат дека ова е пример како лични недоразбирања можат да ескалираат во јавен медиумски спектакл, особено кога станува збор за личности со јавен профил.

Ивановска најави дека ќе ја информира јавноста за процесуирањето на пријавата во МВР, но засега нема официјална потврда дека е поднесена. Од друга страна, Костова не најави правни мерки, но сугерираше дека е подготвена да се брани доколку биде потребно.

Останува да се види дали расправијата ќе добие институционален епилог или ќе остане уште една во низата јавни пресметки меѓу познати личности на социјалните мрежи, каде границата меѓу приватното и јавното станува сѐ понејасна.