Меѓу имињата кои најчесто се спомнуваа пред објавата на номинациите беа Сабрина Карпентер, Кендрик Ламар, Лејди Гага и Бед Бани, идната ѕвезда на Супер Боул. Сега и официјално е потврдено кои уметници ќе се натпреваруваат во најважните категории.

Во главните категории, како што се Снимка, Албум и Песна на годината, очекувањата се покажаа точни, а во категоријата за Најдобар нов изведувач номинирани се, меѓу другите, Оливија Дин, Лола Јанг и Рол Модел. Меѓу песните што ја одбележаа изминатата година се „Abracadabra“ на Лејди Гага, „That’s So True“ на Грејси Абрамс, како и хитовите на Бед Бани и Сабрина Карпентер. Интересно е што и саундтракот на Нетфликс филмот „K-Pop Demon Hunters“ влезе во номинациите благодарение на песните „Golden“ и „Your Idol“.

Доделувањето на наградите во 2026 година носи и две нови категории: Најдобар традиционален кантри албум и Најдобра насловна страница на албум. Академијата за снимање истакнува дека овие промени се резултат на предлозите на членовите и се направени со цел да се следат трендовите во музичката индустрија.

Извршниот директор на Академијата, Харви Мејсон Џуниор, нагласи: „Овие промени овозможуваат да им оддадеме почит на поголем број креатори и да ги препознаеме сите што значајно придонесуваат во музичкиот процес“.

Во продолжение следи комплетната листа на номинирани за наградите Греми 2026:

Текстописец на годината: Ејми Ален, Едгар Барера, Џеси Џо Дилон, Тобијас Џесо Џуниор, Лора Велц

Продуцент на годината – не-класична музика: Дан Оербах, Сиркут, Дижон, Блејк Милс, Саунвејв

Најдобар поп вокален албум: „Swag“ – Џастин Бибер, „Man's Best Friend“ – Сабрина Карпентер, „Something Beautiful“ – Мајли Сајрус, „Mayhem“ – Лејди Гага, „I've Tried Everything But Therapy“ – Теди Свимс

Најдобра поп соло изведба: „Daisies“ – Џастин Бибер, „Manchild“ – Сабрина Карпентер, „Disease“ – Лејди Гага, „The Subway“ – Шапел Роан, „Messy“ – Лола Јанг

Најдобар нов изведувач: Оливија Дин, Кетсај, The Marías, Адисон Реј, Сомбр, Леон Томас, Алекс Ворен, Лола Јанг

Најдобар рок албум: „Private Music“ – Дефтонс, „I Quit“ – Хаим, „From Zero“ – Линкин Парк, „Never Enough“ – Трнстајл, „Idols“ – Јангблад

Најдобар рап албум: „Let God Sort Em Out“ – Клипс, Пуша Ти и Малис, „Glorious“ – Глорила, „God Does Like Ugly“ – Џид, „GNX“ – Кендрик Ламар, „Chromakopi“ – Тајлер Д Криејтор

Најдобар R&B албум: „Beloved“ – Гивеон, „Why Not More?“ – Коко Џонс, „The Crown“ – Ледиси, „Escape Room“ – Тејана Тејлор, „Mutt“ – Леон Томас

Целата листа на номинирани може да ја погледнете на следниот ЛИНК.