Сепак, ретко кому му било лесно да ги остави пријателите и семејството. Дали подоцна зажалиле заради тоа?

Неодамна на „Reddit“ се отворила дебата за тоа како изгледа животот во странство во споредба со Балканот. Се огласиле луѓе кои живеат во САД, Австрија, Чешка, Шведска, Исланд и Швајцарија, опишувајќи што работат, што им е тешко, а што подобро отколку во татковината.

„Почнав од нула во Америка“

Еден корисник раскажал дека живеел во Минхен, запознал многу луѓе и нашол сопруга. Неодамна се преселил во Њујорк, но признава дека тешко е да се снајде:

„Сѐ уште не најдов работа по струка, UX дизајнот моментално е во проблем поради масовните откази. Но, сѐ останато функционира, градот е полн со настани и нови луѓе“.

Открива дека добил зелена карта затоа што се оженил со Американка. За легално доаѓање вели дека процедурата е исклучително комплицирана, скапа и неизвесна:

„Мораш да бидеш брутален во својата работа за воопшто да те забележат“.

„Австрија е добра, но недостасува куќата, дворот и мирот“

Корисник којшто живее во Австрија вели дека животот таму главно е подобар, но и дека многу од работите зависат од лице до лице:

„Скапо е, но скапо е и во Хрватска. Ми недостасува животот на село, дворот, природата. Но, имам нормално работно време, баланс живот-работа и до дома можам да стигнам релативно брзо“.

„Во Швајцарија живеам неспоредливо подобро“

Еден од иселениците тврди дека животот целосно му се сменил:

„Во Хрватска ништо не ми остануваше од платата. Во Цирих штедам толку што ми е непријатно да кажам. Не живеам аскетски, патувам, се дружам, градот е чист и безбеден“.

Друг корисник којшто живее во Швајцарија, вели:

„По шест месеци во Швајцарија заштедив како за шест години во Хрватска. Платата „покрива сѐ“, никој не те вознемирува по работното време“.

„Исланд ми ја отвора вратата“

Човек којшто работи на Исланд вели дека му е многу подобро од Хрватска, особено затоа што нема високо образование:

„Социјалниот живот е одличен, луѓето се отворени. Вистина, времето е лошо, производите скапи, но квалитетот на животот е неверојатен“.

„Чешка не е совршена, но има многу можности“

Жена која веќе пет години живее во Чешка, вели дека платата е просечна, инфлацијата висока, но може да се најде работа многу полесно отколку во Хрватска.

„Јавниот превоз е одличен, градовите се празни, храната е евтина, слично како дома. Јазикот помага многу – и за работа и за социјалниот живот“.

„Во Швајцарија е финансиски подобро, друштвото доаѓа со текот на времето“

„Не можеш да ги замениш децениските пријателства за неколку месеци, но доаѓа со текот на времето. Единствено што ми пречи е времето“.