Манекенката изјави дека се развела од фудбалерот бидејќи бил „пренадарен“ – тој сега ја тужи за тоа

Некогашниот спортист тврди дека коментарите на Хејли, кои ги дала во ноември во пренос во живо, биле „инвазивни“ и му ја уништиле шансата да остане надвор од јавниот живот по пензионирањето, пренесува „TMZ“. Манекенката во ноември гостувала во живо во „Mar-Athon“, кој го води Марлон Гарсија, каде го опишала половиот орган на својот поранешен сопруг „како две лименки Кока-Кола, можеби дури и три, наредени една врз друга“. Додала дека тоа влијаело на нивниот брак, кој заврши во 2022 година.

Хејли исто така објаснила дека се обидувале да го решат проблемот преку терапевти и лекари. „Дури побарав и естетски процедури… Мојот живот е комедија, сам се пишува“, рекла таа, а потоа потврдила дека тоа бил „најголемиот фактор“ за нивниот развод.

Откако преносот во живо стана вирален, Хејли се обидела да ја ублажи ситуацијата. „Длабоко ја почитувам неговата приватност и она што го делевме. Во преносот зборував за многу важни аспекти од нашиот брак, но жал ми е што вниманието се насочи само кон тој дел“, порача таа.

Сега Калил тврди дека нејзините коментари му донеле „непосакувано внимание и инвазивни коментари од јавноста“, додавајќи дека неговото семејство „било принудено да трпи постојано ширење на овие понижувачки и длабоко лични изјави во јавност“. Во документите наведува дека поради коментарите на Хејли, неговата сегашна сопруга Кејлани Асмус била изложена на „вознемирувачки и алармантни пораки“.

Поранешниот американски фудбалер ја тужи манекенката поради нарушување на приватноста, тврдејќи дека неговата поранешна сопруга открила „многу интимни и приватни факти“ за него и бара судење пред порота и отштета во износ поголем од 75.000 долари. Во тужбата тврди дека Хејли „примила значителна финансиска корист, зголемена видливост и монетизација преку различни социјални медиуми и медиумско покривање“.

Мет и Хејли се венчаа во 2015 година, а се разведоа седум години подоцна. Тој во 2024 година се ожени со Кејлани, со која има едногодишен син.