Редок момент на „инстаграм-мир“ меѓу германските ривали доведе до благодарност, тркачки спомени и една суптилна „боцка“ што сепак погоди во целта.
На 29 јануари 1886 година, Карл Бенц добил патент за „Motorwagen“, изум што ќе го преобликува модерниот свет и ќе ја постави насоката на личната мобилност каква што ја познаваме денес. По повод 140-годишнината од оваа пресвртница, „Porsche“ за момент го остави ривалството на страна и објави омаж за „Mercedes-Benz“ на Instagram.
„Porsche“ се откажа од вообичаеното меѓубрендово надмудрување и наместо тоа му оддаде почит на заедничкото наследство од Штутгарт, заедничките успеси во мотоспортот и инженерските партнерства со „Mercedes“, создавајќи редок момент на меѓусебна почит меѓу двата бренда.
„Драг "Mercedes Benz", ние споделуваме повеќе од страст — ја споделуваме визионерската основа на нашиот пионер, го споделуваме нашиот роден град. Ја споделуваме љубовта кон мотоспортот, го споделуваме чувството на победа на најголемите трки. Ги споделуваме падовите, ги споделуваме истите пријатели.“
„Дури го делиме и легендарниот E 500“ (кој беше развиен и произведен во соработка со „Porsche“). „Но, најважно од сè, ја споделуваме истата верба: дека автомобилите не се тука само да го движат нашето тело, туку и нашето срце. За 140 години автомобилска историја и за уште многу заеднички моменти.“
Happy Birthday, Mercedes-Benz
Posted by Porsche on Thursday 29 January 2026
„Mercedes“ го призна гестот во коментарите, одговарајќи со кратка порака: „Благодариме за убавите зборови, Porsche! За иднина на континуирани иновации, секогаш стремејќи се кон најдоброто — на нашите сопствени, уникатни начини.“
Како реагираше остатокот од индустријата
И други производители на автомобили ја искористија можноста да го одбележат настанот и да ѝ оддадат почит на „Mercedes-Benz“. „Audi“, „Cadillac“, „Volvo“, „Xiaomi“, „Nio“, „XPeng“, „Geely“ и „Li Auto“ споделија роденденски пораки, иако дел од тие честитки се појавија на кинеската социјална платформа „Weibo“, а не на Instagram или „X“, барем во моментот на пишување.
„BMW“, еден од најдолготрајните ривали на „Mercedes“, исто така не остана настрана. Верен на својот стил, нивниот пост дојде со доза иронија. „За среќа, Карл Бенц го измисли автомобилот, за да можеме ние да го измислиме задоволството од возењето“, напишаа тие, комбинирајќи ја пораката со фотографија од насмеаниот Бенц. Последниот слајд во нивниот "Instagram carousel" содржеше директна роденденска честитка, заедно со слика од „BMW iX3“, нивниот прв производ од "Neue Klasse".
