[ВИДЕО/ФОТО] Позираа во чипкана долна облека: Познатите мајка и ќерка повторно се соблекоа за италијанскиот бренд

Познатите мајка и ќерка, Хајди Клум и Лени Клум, редовно ги красат кампањите на познатиот италијански бренд за женска долна облека „Intimissimi“, а сега повторно се најдоа на фотографии во провокативни изданија. Ним двете тоа одлично им оди, а „Intimissimi“ очигледно ги обожава, а новата соработка се случи речиси една година по претходната.

Овојпат мајката и ќерката позираат во неодолива долна облека која нè потсетува дека пролетта е пред вратите, па во согласност со тоа Хајди и Лени носат чипкан градник и чипкани гаќички.

Познатата манекенка позираше во нешто поинтензивна боја на долна облека, додека Лени носеше поромантична варијанта – со мотив од цреши и извезена чипка.

Фотографиите двете ги објавија на своите профили на социјалните мрежи, каде што напоменаа дека пристигнала нова, специјална колекција долна облека.

Последен пат позираа за брендот во април 2025 година, а соработката ја започнаа уште во 2022 година. Реакциите на јавноста се поделени, па едни сметаат дека оваа соработка е прилично „необична“, особено затоа што Лени е сè уште млада, додека други мислат дека мајка и ќерка во долна облека – се полн погодок за кампањата.