Најмалку 53 лица се повредени во пожар што избувна во фабрика за автоделови во јужнокорејскиот град Деџеон, додека 14 лица се уште се водат како исчезнати, соопштија локалните власти. Како што е наведено, 24 лица имаат сериозни повреди.
Многумина вдишале токсичен гас или паднале од зградата, јавува агенцијата „Џонхап“. На местото на настанот беа распоредени повеќе од 200 пожарникари за да го изгаснат пожарот, со помош на хеликоптер на шумската служба.
Од двете згради што ја сочинуваат фабриката, едната е целосно изгорена, додека другата сè уште гори. Пожарникарите не можеа да влезат во зградата поради загриженост дека може да се сруши. Исто така, напорите за гаснење пожари се комплицирани од 200 килограми натриум во зградата, кој може да експлодира ако не се ракува правилно.
Претседателот на Јужна Кореја, Ли Џе-мјунг, им нареди на властите да ги мобилизираат сите расположиви ресурси за спасување на жртвите и локализирање на пожарот, соопшти неговата канцеларија.
🚨🇰🇷 Major fire at an auto parts factory in Daejeon, South Korea. At least 50 injured, 35 critical from smoke inhalation and burns.
— JIGNESH܁ᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠ (@jignesh03011976) March 20, 2026
Thick gray smoke visible for miles. Over 100 firefighters deployed. pic.twitter.com/x2icurS5Sk
