Во Грција, искусните домаќинки и денес го прават на традиционален начин – без адитиви, без индустриски трикови, само со малку млеко, трпение и една стара кулинарска техника.

Што е всушност грчкиот јогурт?

Грчкиот јогурт всушност е обичен јогурт кој дополнително се цеди за да се отстрани вишокот течност, со што станува значајно погуст и со побогат вкус.

Оваа техника, позната како „цеден јогурт“, традиционално се користи ширум Грција и Медитеранот, а токму таа ги прави разликите меѓу обичниот и автентичниот јогурт.

Основни состојки

Секоја грчка домаќинка ќе ви го каже истото: за вистински јогурт потребни ви се само две состојки:

- Полномасно млеко (кравјо, овчо или козјо);
- Малку готов грчки јогурт.

Оваа едноставна комбинација е основа на традиционалниот рецепт којшто се пренесува со генерации.

Како се прави оригинален грчки јогурт – постапка чекор по чекор

1. Загревање млеко

Млекото се загрева речиси до вриење (околу 85-95 степени), но не да врие. Овој чекор е важен за да се добие правилна текстура.

2. Ладење

После тоа, млекото се остава да се лади на околу 40-45 степени Целзиусови температура, погодна за развој на бактерии.

3. Додавање на „стартер“

Во млакото млеко додадете лажица грчки јогурт и добро помешајте.

4. Ферментација

Смесата се покрива и се остава на топло место од 6 до 12 часа. За тоа време млекото се претвора во јогурт благодарение на природната ферментација.

5. Клучен чекор – цедење

Добиениот јогурт се става во газа или чиста крпа и се остава да се цеди неколку часа, преку ноќ.

Со оваа постапка се отстранува сурутката и се добива густа, кремаста структура, она што го прави грчкиот јогурт да биде тоа што е.

Тајни на грчките домаќинки

1. Најдобар вкус дава полномасното млеко.
2. Колку подолго стои на топло, јогуртот е покисел.
3. Подолго цедење – почист јогурт.
4. Дел од готовиот јогурт се чува како „стартер“ за следната тура.

Во Грција јогуртот често се прави од овчо или козјо млеко, што му дава уште побогат и поавтентичен вкус.

Како традиционално се служи во Грција?

Грците најчесто јадат јогурт за појадок или како лесен оброк со:

Мед;
Ореви;
Суво овошје.