Два товарни брода во сопственост на COSCO, кинескиот бродски гигант кој ги прекина своите услуги до и од Персискиот Залив на почетокот на март поради војната на Блискиот Исток, денес успешно поминаа низ Ормускиот теснец, според податоците од Marine Traffic.
Контејнерскиот брод CSCL Indian Ocean го премина теснецот околу 7 часот наутро во понеделник, а CSCL Arctic Ocean 27 минути подоцна, според веб-страницата за следење на бродови.
Тие поминаа во близина на островот Ларак, кој е под контрола на Иран, и се на пат кон Порт Кланг во Малезија. COSCO одби да коментира за транзитот кога беше контактиран од АФП.
Според иранскиот министер за надворешни работи, Абас Аракчи, Ормускиот теснец е „затворен само за непријатели“. Тој додаде дека иранската војска веќе „обезбедила безбеден премин“ за бродови од пријателски земји.
Two COSCO Container Ships Make First Major Commercial Crossing of Strait of Hormuz Since War Began
— Washington Eye (@washington_EY) March 30, 2026
After turning back on an initial attempt, the CSCL Indian Ocean and CSCL Arctic Ocean sailed through the strategic waterway on Monday toward Malaysia, a rare transit for major… pic.twitter.com/kBwscFC7qU
Од почетокот на блискоисточната војна, сообраќајот во Ормускиот теснец, клучен трговски пат, особено за транзит на нафта, се намалил за околу 95%, според платформата за следење на превозот „Кплер“.
Денес, иранските државни медиуми објавија дека иранскиот парламентарен одбор одобрил закон за наметнување транзитни такси за бродовите што минуваат низ теснецот.
