Камерон Дијаз речиси никогаш не се појавува јавно со својот сопруг, Бенџи Маден, па затоа секоја „папарацо снимка“ е вистинско богатство.
Актерката Камерон Дијаз (53) и нејзиниот сопруг Бенџи Маден (47) беа фатени заедно во Њујорк за време на обична прошетка, биле лежерно облечени и ова е вистинска реткост некој да ги види заедно.
Cameron Diaz and Benji Madden make a rare appearance together as they step out in New York after her return to the limelight https://t.co/FEhddt29iO
— Daily Mail (@DailyMail) April 6, 2026
Ова заедничко излегување е уште поинтересно поради фактот што актерката се враќа на глумата по 10-годишна пауза. За оваа пригода, Камерон избрала да носи црни панталони во комбинација со црнo предимензиониранo сако и бела маичка.
Нејзиниот сопруг, кој е исто така рокер, бил целосно во тој рокерски стил. Широка карирана кошула и едноставни панталони биле неговиот избор, а се обидел да се „скрие“ и со помош на капа.
Камерон Дијаз и Бенџи Маден се во брак од 2015 година и заедно имаат две деца, кои ги добиле преку сурогат мајка. Кога станува збор за нејзиниот приватен живот, актерката е исклучително строга, па не открива премногу детали за своето семејство, додека успева да шокира со некои други изјави.
Откако со години беше сметана за една од најфаталните актерки во Холивуд, таа ги шокираше сите кога истакна дека од моментот кога се пензионирала од глумата, не обрнува внимание на својот изглед, ниту на капењето.
