Американскиот потпретседател Џ. Д. Венс изјави во неделата дека неговиот преговарачки тим го напушта Пакистан откако во 21-часовни разговори со Иран не успеаја да постигнат договор. Венс рече дека американските преговарачи се враќаат дома бидејќи Иран не се согласил со условите на САД, вклучително и обврската да не развива нуклеарно оружје.
„Лошата вест е дека не постигнавме договор и мислам дека тоа е многу полоша вест за Иран отколку за Соединетите Американски Држави“, рече Венс. „Значи, се враќаме без договор. Ги направивме нашите црвени линии многу јасни.“
Венс рече дека неколку пати разговарал со американскиот претседател Доналд Трамп за време на разговорите.
U.S. Vice President JD Vance has said that no deal was made during the 21+ hours of negotiations, saying “we could just not get to a situation where the Iranians were willing to accept our terms.” He restated that the Iranians were unwilling to shift left or right on key U.S.… pic.twitter.com/Pqng3s4DQE
— OSINTdefender (@sentdefender) April 12, 2026
„Едноставно треба да видиме обврска од Иран дека нема да развива нуклеарно оружје и алатки за брзо развивање на такво оружје“, рече Венс на кратката прес-конференција во Исламабад. „Тоа е нашето фундаментално барање“.
Потпретседателот на САД истакна дека нуклеарната програма на Иран е „уништена“, но нагласи дека е потребна „фундаментална обврска“ од Техеран дека нема да развива такво оружје во иднина. „Сè уште не сме го виделе тоа. Се надеваме дека ќе го видиме“.
U.S. Vice President JD Vance said that “We leave here with a very simple proposal. A method of understanding that is our final and best offer.” It now appears that the talks have concluded after failing to merit any form of U.S.-Iranian convergence on positions. pic.twitter.com/oJkpWCks3l
— OSINTdefender (@sentdefender) April 12, 2026
Венс, според CNN, сугерираше дека нуклеарната програма на Иран е најголемиот проблем во преговорите. „Заминуваме од тука со многу едноставен предлог, нашата најдобра и последна понуда. Ќе видиме дали Иранците ќе ја прифатат“, заклучи Венс.
Од друга страна како што изјави пакистанскиот министер за надворешни работи, Ишак Дар, Пкистан ќе продолжи да посредува во мировните преговори меѓу САД и Иран, пренесе новинската агенција ДПА.
Разговорите, одржани во Исламабад со пакистански претставници како медијатори, започнаа во саботата, но завршија без договор.
„Пакистан одигра и ќе продолжи да игра улога во посредувањето во ангажманот и дијалогот меѓу Исламската Република Иран и САД во наредните денови“, рече Дар во соопштението.
„Од суштинско значење е страните да продолжат да ја почитуваат својата посветеност на прекинот на огнот“, додаде тој. „Се надеваме дека двете страни ќе продолжат во позитивен дух за да постигнат траен мир и просперитет за целиот регион и пошироко“, рече тој.
