Алика Шмит, германската атлетичарка која медиумите ја нарекоа „најсексапилна спортистка на светот“, одлучи да им покаже на своите следбеници што стои зад гламурозната слика што ја гледаме на социјалните мрежи. Позната по атрактивните објави со кои привлекува големо внимание, Шмит на „Instagram“ има повеќе од пет милиони следбеници, а нејзините објави редовно собираат илјадници лајкови.
Реалноста зад совршените фотографии
Иако 27-годишната спортистка често споделува фотографии од одмор или детали од своите тренинзи, со последната објава на популарната платформа реши да објави нешто поинакво. Наместо едноставно да сподели низа совршени слики, Шмит ја искористи можноста да ги потсети обожавателите дека она што го гледаат ретко ја покажува целата слика.
Таа објави серија досега невидени фотографии, споредувајќи ги оние што нејзините следбеници веќе ги виделе со оние што досега не ги објавила. „Она што луѓето го гледаат наспроти она што исто така е дел од реалноста. Само потсетник дека ги споделуваме само најдобрите моменти, а не целата приказна“, напиша во описот на објавата.
„Фотографија што никој не ја видел“
Првата фотографија од низата ја прикажува Шмит во танга и тесен топ, со очила и пијалак во кокос. До неа стои описот: „Фотографија што ја виделе пет милиони луѓе.“
Втората, со опис „Фотографија што никој не ја видел“, ја прикажува во многу поопуштено издание додека го покажува екранот од својот мобилен телефон. Третата фотографија ја прикажува атлетичарката во крзнен зимски капут пред снежни планини.
Четвртата открива фотографија за која признала дека инаку би ја „избришалс“.
Со истиот пристап продолжи до крајот на објавата. Спореди фотографија во елегантен син фустан на сончев балкон со онаа на која е во лежерна облека додека пие пијалак под настрешница. Потоа објави фотографија во спортска опрема на сонце, а покрај неа и крупен план од себе, заклучувајќи со пораката: „Фотографијата е само фотографија. Никогаш не ја прикажува целата слика.“
Поддршка од обожавателите
Обожавателите во коментарите ја поздравија искрената објава. „Посилна од кога било“, напиша еден следбеник. „Прекрасна на сите 10 фотографии“, коментираше друг, додека трет додаде: „Ти благодарам што го сподели ова, Алика.“
Поддршка ѝ дадоа и некои колешки спортистки. Нејзината сонародничка, среднопругашката Смила Колбе, порача: „Ма, сите се 11/10.“ Словачката тркачка Габриела Гајанова во коментар напиша: „Мене вторите ми се допаѓаат уште повеќе.“
Во коментарите ѝ се јави и хрватската спортистка, државна шампионка во атлетика Нина Вуковиќ, која напиша: „Толку вистинито! Инаку, сите ми се одлични.“
