Истражувањата за влијанието на кафето врз човечкиот организам покажуваат дека оваа напивка, кога се консумира во соодветни количини, има позитивен ефект врз здравјето. Ја забрзува перисталтиката на цревата, го забавува создавањето на атеросклеротични промени и го намалува ризикот од формирање на жолчни камења.

Се покажува дека кафето може да биде и клуч за долговечност, што го потврдува примерот на жителите на Икарија. Дознајте како тие го подготвуваат кафето што придонесува за долг живот и добро здравје.

Како кафето влијае врз здравјето?

Научниците долго време ги проучуваат навиките во исхраната на жителите од т.н. „сини зони“. Герасимос Сијасос, лекар и професор на Медицинскиот универзитет во Атина, се фокусирал на тоа какво кафе пијат постарите луѓе на Икарија, каде што има најголем процент стогодишници.

Тој сакал да утврди како оваа напивка влијае врз нивното здравје. Претходни истражувања покажале дека кафето го намалува ризикот од исхемична срцева болест и дијабетес — болести што често ги погодуваат постарите лица и можат да доведат до компликации, па дури и смрт.

Во текот на истражувањето, професорот Сијасос ги анализирал здравствените податоци на лица постари од 65 години кои од раѓање живеат на островот. Се покажало дека дури 87% од нив пијат варено кафе.

Кои својства ги има грчкото кафе?

Додека повеќето од нас се фокусираат на изборот на вид кафе и додатоци, тајната можеби се крие во начинот на подготовка.

Вареното грчко кафе е богато со полифеноли, кои ги неутрализираат слободните радикали одговорни за развој на карцином и кардиоваскуларни заболувања. Хлорогенската киселина што ја содржи помага во регулирање на нивото на шеќер во крвта и го намалува ризикот од дијабетес. Грчкото кафе е богато и со дитерпени, кои имаат антиканцерогени и

противвоспалителни својства. Интересно е што содржи помалку кофеин, па делува поблаго и не го оптоварува организмот.

Како да направите грчко кафе?

Подготовката не е сложена. Потребни ви се ѓезве и ситно меленo кафе.

Во ѓезвето сипете 60 мл вода и додајте полна лажичка кафе. По желба додајте шеќер или мед и промешајте. Ставете го ѓезвето на тивок оган и полека загревајте, без понатамошно мешање. Кога ќе почне да се создава пена на површината, тргнете го од оган за да не зоврие. Сипете во шолја, внимавајќи пената да остане одозгора. Кафето е подготвено за пиење кога малку ќе се излади.

Кафето во умерени количини има позитивно влијание врз здравјето, но ако се консумира премногу, може да доведе до губење минерали и проблеми со спиењето. Ако изберете грчко кафе, можете да си дозволите малку повеќе, бидејќи содржи помалку кофеин од класичното еспресо.