Баџо отвори профил на ТикТок, а првото видео што го објави бележи повеќе од 6,3 милиони прегледи, има околу 500.000 лајкови, 13.000 коментари и 17.000 споделувања. Станува збор за наизглед едноставно видео, во кое италијанската легенда жонглира со топка и потоа ѝ се обраќа на публиката.

„Здраво, луѓе! Од денес сум и јас на ТикТок“, гласи пораката на поранешниот фудбалер.

Кој е Роберто Баџо?

Роберто Баџо е легендарен италијански фудбалер, често нарекуван и шмекер. Беше голема ѕвезда и на теренот и надвор од него. Во текот на кариерата играше за Венеција, Фиорентина, Јувентус, Милан, Болоња, Интер и Бреша.

Ја освои и Златната топка во 1993 година, постигна повеќе од 300 голови и во својата колекција има четири клупски трофеи.

Еден од највпечатливите моменти во неговата кариера е промашениот пенал во финалето на Светското првенство 1994 против Бразил. Иако имаше бројни успеси на теренот, денес, како што самиот вели, не се занимава со спорт, делумно поради силните болки и повредите со кои се здобил во текот на кариерата.