Секако, најголемата поддршка доаѓа од семејствата на членовите на тимот, а сопругата на капитенот Един Џеко покажа како фудбалерот на Шалке бил испратен на еден од најважните натпревари во неговата кариера.

Манекенката Амра Џеко на Инстаграм сподели фотографија на која нивниот син го прегрнува татко си, со порака:

„Среќно, тато“.

Фотографијата за кратко време собра повеќе од 48,4 илјади лајкови, а многу навивачи на репрезентацијата на Босна и Херцеговина ја искористија можноста да му упатат убави желби на фудбалерот и на неговото семејство.

Един и Амра се заедно веќе 14 години, а во брак се девет години. За време на својата долгогодишна љубов добија четири деца, додека Амра од претходниот брак има и една ќерка.

Кариерата на Амра Џеко пред бракот со Един

Пред да започне врска со Џеко, Амра, која тогаш се презивала Силајџиќ, градела успешна манекенска кариера во Лос Анџелес, а ја видовме и како актерка во повеќе филмови, серии и музички спотови. Така, се појавила и во една епизода од ултрапопуларната серија „Силициумска долина“.

Со манекенство почнала да се занимава на само 16 години, по победата на престижниот натпревар „Metropolitan Top Model“, по што заминала во Париз, а потоа и во Соединетите Американски Држави.

Вистинската љубов се појавила кога најмалку ја очекувала

Меѓутоа, додека Манчестер Сити бил на подготовки во Лос Анџелес во 2011 година, патиштата на Амра се вкрстиле со босанскиот дијамант, како што го нарекуваат Един Џеко. Следната година парот започнал врска, а манекенката ја ставила својата кариера настрана за да биде покрај фудбалерот.

„Никој не е совршен и ничија врска не е совршена. Покрај љубовта, најважно е меѓу двајца луѓе да постојат комуникација, разбирање, почит и поддршка. И Един и јас, заемно, максимално се трудиме да бидеме еден покрај друг. Се пронајдовме. Колку повеќе време поминуваме заедно, сè посигурна сум дека навистина сме се пронашле. Исти сме. Исти ни се и принципите и погледите на сè“ рекла Амра во интервју за порталот „MamaKlik“.

Се венчале во 2016 година и потоа добиле четири деца: Уна, Далија, Хана и Дани, а Амра претходно, во бракот со српскиот бизнисмен, ја добила и ќерката Софија. Таа во 2001 година се омажила за српскиот бизнисмен Владимир Виќентијевиќ, кога имала само 18 години, а две години подоцна го добиле единственото заедничко дете. Живееле на релација Париз – Белград, а во 2007 година одлучиле да се разделат.

„Уна и Софија по карактер се на мене, а Дани, како што вели мајката на Един, е ист каков што бил Един како бебе – мирен и насмеан. Само се смее, добричок е, навистина. Целосна спротивност од овие две девојчиња“ открила манекенката во една прилика.

Амра денес е посветена и на својата кариера, а истакнала дека сè може да се постигне доколку човек добро се организира и ако го води љубовта кон сè што прави.

„Сè е во добра организација. Секако, сè е полесно со голема желба и страст, пред сè кон животот и кон сè она што го правите. Имам неизмерна љубов кон семејството, кое во мојот случај е и мојата најголема поддршка, како и разбирање од сопругот за сè што правам. Кариерата и понатаму ми е многу важна, но мајчинството секако е на прво место“ заклучила Амра.