На социјалните мрежи се проширија страшни снимки од земјотресите, а многумина особено ги растажи онаа на која се гледа како еден постар пар ги доживеал потресите.

Погледнете го видеото:

Снимката прикажува маж и жена како седат во моментот кога почнува земјотресот. Мажот тогаш станува и цврсто ја држи сопругата за раце додека тресењето не се смири.

„Никогаш не ја остави сама“, „Колку луѓе како нив ја немале таа среќа, многу ме погодува тоа“, „Срцето ми се крши кога го гледам тој постар пар сам, сè е толку тажно“, „Бог нека ги благослови, секогаш се заедно и се грижат еден за друг“, „Боже, оваа сцена е толку силна. Среќа што се имаат еден со друг, Бог нека ги чува“, се само дел од коментарите на социјалните мрежи.

Најмалку 160 загинати

Вршителката на должност претседателка на Венецуела, Делси Родригез, објави дека бројот на загинати се зголемил на 164, додека бројот на повредени достигнал 971. Во Венецуела е прогласена вонредна состојба.

Катастрофа во време на национален празник

Американскиот геолошки институт (USGS) издаде драматично предупредување, наведувајќи дека се очекува исклучително голем број човечки жртви и огромна материјална штета и дека „катастрофата, според сè, е од широки размери“.

Ситуацијата дополнително ја влоши фактот што во Венецуела се славел национален празник.

Земјотресите ја погодиле земјата во 18:04 часот по локално време, што значи дека во моментот на ударот големо мнозинство граѓани биле во своите домови со своите семејства.