„Воинот“ на Чоло во полн сјај: Како изгледаат летните подготовки кога тренер ви е Арда Туран

Воведната сезона на Турчинот ги задоволи апетитите на раководните луѓе и Арда со големи амбиции ќе ја стартува втората кампања во Шахтјор, пред која играчите на овој тим дознаа дека нема шега со Туран.

Некогашниот „воин“ на Диего Симеоне со години ги учеше методите на аргентинскиот стручњак и очигледно е дека придобил голем дел од јужноамериканската страст од тој период, нешто што најдобро е пресликано на неговите тренинзи во пресезоната.

Интензитетот на Арда стана вирален хит на социјалните мрежи, а видеото кое го сподели Шахтјор како клуб брзо стана споделувано од голем број фановите на Атлетико.

Доста вирално стана и второто видео кое го објави Шахтјор, на кое всушност најдобро се гледа како Арда „им ја извадил“ душата на голем дел од своите фудбалери.