64-годишна жена е сериозно повредена во сообраќајна несреќа кај Аеродром, во која беа вклучени автобус и автомобил. Повредената беше пренесена во Клиниките „Мајка Тереза“ за третман, а полицијата изврши увид на местото на настанот.
Шеесет и четиригодишна жена е тешко повредена во сообраќајна несреќа меѓу автобус и автомобил што вчера се случила во скопската општина Аеродром.
Според информациите од МВР, несреќата била пријавена во полицијата во 13:40 часот, а се случила на крстосницата на булеварот „Јане Сандански“ со сервисна улица.
Во несреќата учествувале автобус „МАН“ со скопски регистарски ознаки, управуван од Т.П. (47) од село Ново Село, и „форд фокус“, исто така со скопски регистарски ознаки, управуван од Г.Ј. (55) од Скопје.
Со тешки телесни повреди се здобила 64-годишната В.В. од Скопје, која била патничка во автобусот. Повредите ѝ биле констатирани во Комплексот клиники „Мајка Тереза“ во Скопје.
Увид на местото извршила полициска екипа.
