[ФОТО] Привлекува внимание каде и да се појави: Славната бринета беше поврзувана и со грчкиот принц, а сега кружат гласини за романсата со познатиот спортист

Странските медиуми пишуваа дека Том Брејди и атрактивната манекенка и актерка Брукс Надер биле многу блиски во текот на летото, но двајцата не потврдија дека се во врска.

Брукс Најдер го привлече вниманието на јавноста преку нејзината соработка со списанието „Спортс илустрејтид“, во кое се појави за првпат во 2020 година. Благодарение на бројните кампањи и фотографии во костими за капење, таа брзо стана едно од најпрепознатливите лица во светот на моделингот, поради што некои медиуми ја нарекоа „кралица на бикинито“.

Пред да изгради кариера како модел, Недер дипломирала финансии и финансиски менаџмент, но набрзо сфатила дека манекенството е она што сака да го прави.

Од друга страна, Том Брејди е еден од најпознатите американски спортисти и поранешен сопруг на супермоделот Жизел Бундшен. Токму поради неговото познато име, секоја фотографија со нова женска личност во неговото друштво предизвикува големо внимание.

Брукс претходно беше во брак со Били Хајри, од кој се разведе во 2019 година, по што се посвети на својата кариера.

Пред Брејди, таа беше поврзана и со принцот Константин Алексиос од Грција и Данска, откако се појавија заедно на свадбата на Оливија Калпо и ѕвездата на НФЛ, Кристијан Меккафри. Сепак, се покажа дека гласините за романса во тоа време беа неосновани.