Секој нов пат започнува со еден прв чекор. За првачињата, овој септември тој чекор води кон едно ново и возбудливо поглавје – училиштето.
Првиот ранец, првите тетратки, новите моливи и боички, првото место во училишната клупа... сите овие наизглед мали нешта го прават почетокот на училиштето посебен и незаборавен.
Токму затоа, и оваа година, Mozzart на првачињата на своите вработени им подари ранчиња и комплетен училишен прибор – за нивниот прв училишен ден да го дочекаат подготвени и со насмевка.
„Нашите луѓе се срцето на организацијата, а нивните семејства се дел од нивната приказна. Затоа сакаме да бидеме присутни во моментите кои се важни за нив – не само професионално, туку и лично. Од оваа година, како дополнителна бенефиција, сите родители во Mozzart кои имаат прваче имаат право на слободен ден за првиот училишен ден, за да можат да бидат заедно со своите деца и да го споделат овој посебен момент. Овој подарок е мал знак на внимание, но зад него стои голема порака – секој нов почеток заслужува поддршка,“ истакна ХР тимот на Mozzart.
Mozzart им посакува на сите првачиња училишните денови да бидат исполнети со нови знаења, искрени другарства и многу причини за радост и насмевки.
Со вакви и слични активности, компанијата ја зацврстува својата лидерска позиција – градејќи успех преку среќни и задоволни вработени.
