Во сообраќајна несреќа на регионалниот пат Кичево – Македонски Брод загина 75-годишен маж, додека три лица, вклучувајќи и 15-годишник, се повредени. Инцидентот се случи во вечерните часови, а засега трае увид од надлежни лица.
Ноќеска во 20:00 часот во ОВР Кичево е пријавено дека на регионалниот пат Кичево – Македонски Брод се случила сообраќајна несреќа помеѓу патничко возило „мазда“, управувано од Д.С.(75) од Кичево и патничко возило „хјундаи“ со регистарски ознаки од Македонски Брод, управувано од А.С.(75) од с.Преглово, кичевско.
Од здобиените повреди на местото на настанот починал возачот на патничкото возило „хјундаи“ А.С., а лекар од Итната медицинска помош констатирал смрт.
Со тешки телесни повреди се здобил возачот на патничкото возило „мазда“, додека со телесни повреди се здобиле сопатниците од патничкото возило „хјундаи“, 15-годишен малолетник од с.Преглово, кичевско и А.А.(21) од с.Пласница, кичевско, констатирани во Медицински центар Кичево и Комплекс клиники „Мајка Тереза“ Скопје.
Извршен е увид од јавен обвинител и увидна екипа на ОВР Кичево.
