Додека Комо е познато по светските ѕвезди и големата публика, Охридското Езеро нуди сосема поинакво искуство.

Тоа е едно од најстарите и најдлабоките езера во Европа, кое се наоѓа на границата меѓу Албанија и Македонија. Пејзажот воопшто не заостанува зад својот италијански конкурент и се состои од кристално чиста сина вода, планински врвови во позадина и брег испреплетен со историски градови каде што времето како да застанало.

Најстарото природно езеро во Европа се протега по границата помеѓу две неправедно запоставени дестинации - Македонија и Албанија, но токму делот од езерото на северно-Македонската страна и неговата околина ве оставаат без здив, се вели во описот на списанието.

Охридското Езеро опкружува прекрасен град полн со цркви. Иако денес нема повеќе 365 цркви, колку што, според традицијата, некогаш имало, оние што се останати му даваат на целото место посебно чувство на убавина.

Тешко е да се замисли поубава глетка од погледот на црквата Свети Јован Крстител (Канео) од 13 век, сместена над езерото, чие синило дополнително ја нагласува неговата убавина. Тоа е навистина прекрасна глетка.

„Тајм аут“ советува дека колку порано ја започнете кратката прошетка од центарот на градот до црквата „Свети Јован“, толку подобро. Како што одминува денот, толпите стануваат поголеми, но уште поважно - утринскиот мир и тишина дејствуваат како вистински лек за душата, велат тие.

Македонска страна на езерото

Главниот центар на Македонската страна е градот Охрид, сместен веднаш до брегот. Неговиот стар дел е полн со тесни асфалтирани улички, а познат е и по стотиците средновековни цркви - според легендата, имало 365 од нив, по една за секој ден од годината.

Теракота покривите што се спуштаат кон водата формираат препознатлива глетка. Денот тука може да се помине во пливање и истражување на античките остатоци, додека вечерите се резервирани за гледање на зајдисонцето зад планините и сето тоа без цените што го придружуваат одморот во Ломбардија.

Албанската страна и селото Лин

Албанската страна на езерото нуди малку поинаков, див пејзаж и потивки села. Селото Лин се издвојува, каде што има остатоци од антички мозаик. На посетителите им се достапни и живописни кампови по должината на брегот, каде што може да се резервираат лежалки и сместување по многу прифатливи цени.

Листа на најубавите места во Европа според „Тајм аут“

И други уникатни места се најдоа на остатокот од листата составена од патеписците на „Тајм аут“. Меѓу нив се малото гратче Алберобело во италијанскиот регион Пуља, познато по своите „распаднати“ куќи, лондонската ботаничка градина, како и архитектонското ремек-дело на Гауди, куќата Батљо во Барселона.

Според актуелната листа на списанието „Тајм аут“ за 2026 година, ова се 10-те најубави места во Европа, рангирани од прво до десетто место:

Охридско Езеро, Македонија;
Термални извори Сатурнија, Тоскана, Италија;
Џиновската патека, Северна Ирска;
Алберобело, Пуља, Италија;
Почитељ, Босна и Херцеговина;
Норвешки фјордови, Норвешка;
Кралските ботанички градини во Кју, Лондон, Велика Британија;
Канал Принсенграхт, Амстердам, Холандија;
Долина Мозел, Германија;
Куќата Батљо, Барселона, Шпанија.