Говорејќи на пленарната седница на Европскиот парламент во Стразбур, таа ги повика земјите-членки да одговорат преку наметнување „повисока цена“ за Москва.

„Целта на хибридните напади на Москва е да нè заплашат, да ги парализираат нашите општества и да нè натераат да се двоумиме дали да дејствуваме. Токму тоа го сака Путин“, рече Калас.

„Не смееме да дозволиме стравот да ги диктира нашите одлуки. Мораме да одговориме на овие напади со конкретни дејства и одлучен став“, додаде таа.

Испланирани обиди за дестабилизација

Калас укажа на низа неодамнешни инциденти низ Европа. Таа спомена инцидент во кој наводно биле вклучени руски воен брод и дански хеликоптер, соборување на дрон над Литванија од страна на авиони на НАТО, руски напад врз патнички воз во близина на украинската граница, како и случајот кога Полска извади дрон од своите води.

„Мораме да бидеме реални. Ова не се случајности. Станува збор за испланирани обиди на Русија да ја ослаби нашата решителност, да го тестира нашето единство и да го искористи стравот од ескалација“, изјави таа.

Потреба од посилен одговор

Високата претставничка нагласи дека, и покрај потезите на Москва, Европа мора да продолжи да ја поддржува Украина. „Една работа е сосема јасна: Путин нема да запре доколку ние не го запреме. Русија е подготвена да преземе поголеми ризици, и затоа Европа мора да ѝ наметне повисока цена“, изјави Калас.