Во Куманово започнаа градежни работи за реконструкција на помошниот стадион на ФК Башкими, со цел да се создаде модерен и безбеден простор за тренинзи на младите фудбалери, во рамките на проект ветуван со децении.
„Спортот е една од областите во кои инвестирањето во инфраструктурата директно создава нови можности за децата и младите. Во таа насока, во Куманово официјално започнаа градежните работи за целосна реконструкција на помошниот стадион на ФК Башкими, проект кој две децении беше ветуван, но досега остануваше само на хартија“, велат од ВЛЕН.
„Со започнувањето на работите, ова ветување се претвора во реализација. По завршувањето на проектот, децата и младите фудбалери од Куманово ќе имаат на располагање модерен и безбеден простор за тренинзи и подготовки.
Во реализацијата на овој проект важна улога има и заменик-министерката за спорт, Сафије Садики Шаини, преку нејзиниот институционален ангажман за унапредување на проектот и создавање подобри услови за младите спортисти.
Оваа инвестиција е доказ дека спортската инфраструктура може да отвори нови можности за младите таленти и да создаде простор во кој децата ќе можат да го развиваат својот потенцијал преку спортот.
За ВЛЕН, работата во спортот продолжува преку проекти кои создаваат подобри услови и нови можности за младите генерации.
Ветувањето стана проект. Проектот станува дело“, соопшти ВЛЕН.
