СДСМ повикува на итно усвојување на закон за финансиска поддршка на земјоделците кои се соочуваат со сериозни проблеми со откупот и ниските цени на нивниот род, потенцирајќи ја важноста од обезбедување на финансиска помош за зачувување на македонското земјоделство и егзистенцијата на земјоделските семејства.
СДСМ обвинува дека земјоделците се соочуваат со сериозна криза поради проблемите со откупот и ниските цени и бара да биде усвоен предлог-законот на партијата за финансиска поддршка на земјоделците.
Членката на Извршниот одбор на СДСМ, Симона Цветаноски, зјави дека земјоделците работат и вложуваат во производството, но на крајот, не можат ниту да ги покријат трошоците.
„Арамијата Мицкоски ги турна земјоделците во катастрофлано лоша состојба.
Нема откуп. Родот им скапува на нивите. А и тоа малку што се откупува, се плаќа по понижувачки цени.
Земјоделците работат од утро до мрак, вложуваат сè што имаат, а на крајот не можат ниту да ги покријат трошоците.
Сите земјоделци се погодени од лошите и криминални политики на Арамијата Мицкоски.
Затоа, поднесовме Закон за финансиска поддршка на земјоделците.
Сега кога им е неопходна.
За лозарите – 8 денари за секој килограм произведено и продадено грозје од сортите „Вранец“ и „Кратошија“.
За оние кои нема да успеат да го продадат грозјето – 300.000 денари по хектар за пријавни лозови насади.
-За производителите на пиперка „ајварка“ 10 денари по килограм продадена пиперка, плус 200.000 денари по хектар за евидентираните засадени површини.
-За производителите на пченица 5 денари по килограм, без разлика дали пченицата е продадена на регистриран откупувач или е складирана во евидентиран склад.
-За сточарите 8.000 денари по грло говедо за производство на млеко и месо.
-За оризарите 10 денари по килограм произведена и продадена оризова арпа кај регистриран откупувач во 2026 година.
Корисници ќе бидат и земјоделските стопанства регистрирани во Единствениот регистар на земјоделски стопанства.
Земјоделството е производство, егзистенција и сигурност за илјадници семејства.
Не да се распродава македонската земја зa туѓи профити.
Не земјата и водата да им се ставаат на располагање на туѓи бизнис-интереси.
Не луѓето што произведуваат храна да се оставаат без земја, без вода, без откуп и без поддршка.
Поддршка за земјоделците сега!
Да, за Македонија да застане зад оние кои ја хранат!“, изјави таа.
