Младата манекенка се присети како со мајка ѝ ја гледала ревијата Вог Врлд (Vogue World) и посакала еден ден и самата да биде дел од неа – а само две години подоцна, сонот ѝ се остварил.

„Дојдов во Париз со мама пред две години и се сеќавам дека слушнав дека Вог Врлд штотуку се одржал тој ден. Се вратив во хотелот и ја пуштив снимката на Јутјуб, ги гледав сите тие прекрасни жени како чекорат, музиката и настапите. Дури во Милано ми текна дека оваа година всушност јас бев на таа ревија. Мојата шеснаесетгодишна верзија ќе заплачеше (мојата осумнаесетгодишна верзија и заплака). Колку сум среќна што сум благословена со вакви искуства и луѓе“, напиша Сандеј на Инстаграм.

Осумнаесетгодишната Сандеј прошета по модната писта на Вог Врлд 2026 за време на Модната недела во Милано во септември. Изгледаше беспрекорно во полупроѕирен бел фустан со длабоко кружно деколте, ѕвонести ракави и лелеава силуета. Фустанот беше украсен со нежен цветен вез.

За Сандеј, сезоната на модни ревии пролет/лето 2027 е исклучително интензивна, бидејќи таа дебитираше на  пистите за модните куќи „Макс Мара“ и „Марни“.

Советот на Никол Кидман

Во интервју за насловната страница на ноемвриското издание на магазинот „Вог“, Никол зборувала за советите што им ги дава на своите ќерки додека растат под будното око на јавноста.

На прашањето за омразата, осудувањето и суровите коментари на интернет, актерката рекла дека нејзиниот совет е едноставен:

„Буквално оддалечи се од тоа. Затоа што ќе те собори. Ќе те уништи. Тоа за мене е многу застрашувачко. Но, јас почнав да работам на 14 години, па и немам баш право да ѝ држам лекции“.

Сандеј претходно за магазинот „Nylon“ зборувала за насоките што ѝ ги дава нејзината мајка кога станува збор за кариерата.

„Постојат две големи правила. Првото беше дека не смеам да се занимавам со никаква модна работа пред да наполнам 16 години. Второто е дека училиштето секогаш мора да биде на прво место. На почетокот го мразев тоа, но сега всушност ми е драго што ги имам тие правила, бидејќи ми помагаат да останам во добра психичка состојба“, раскажала младата манекенка.