[ФОТО] Го запознала кога тој имал 18 години, а таа 42 – и денес се обожаваат: „Имаме луда енергија“

Парот се запознал на снимањето на филмот „Nowhere Boy“ во 2008 година, кога Арон имал само 18, а Сем 42 години. Тие не започнале врска сè додека проектот не бил завршен, а токму за време на снимањето меѓу нив се развила „длабока поврзаност“.

Иако разликата во годините со години привлекувала големо внимание во јавноста, Сем, која денес има 59 години, тврди дека разликата во годините со нејзиниот 36-годишен сопруг всушност воопшто и не ја чувствува.

На прашањето дали помладиот партнер ѝ помага да го задржи младешкиот поглед кон животот, Сем одговорила:

„Не го чувствувам тоа баш така. Бидејќи, како што неодамна ми кажа тој, со својата професија се занимава веќе 30 години“.

Арон дебитирал на сцена на само шестгодишна возраст, а училиштето го напуштил на 15 години за целосно да ѝ се посвети на актерската кариера.

Сем додала: „Тој има многу помудра и поуникатна перспектива за работите од мене. Чувствувам дека е многу поприземен и постабилен отколку што јас некогаш би можела да бидам. Тоа е добра рамнотежа за мојата немирна, луда енергија“.

Во интервју за магазинот „Сандеј тајмс“ режисерката открила и дека двајцата имаат многу слична енергија.

„Можам да кажам: ’Арон, да набавиме кученце?‘ А тој ќе рече: ’Да, одлична идеја. Да го земеме веднаш?‘ И двајцата ја имаме таа некоја луда енергија“, рекла таа.

Сем го опишала својот сопруг како човек со „прекрасно тело, ум и дух“, а признала и дека се покажал како совршен модел за нејзините фотографии.

Парот се венчал во 2012 година, а заедно имаат две ќерки, Вилда (16) и Роми (14).

Дел од семејството се и постарите ќерки на Сем, Анџелика (29) и Џеси (19), кои ги има од бракот со поранешниот сопруг Џеј Џоплинг.

Сем и претходно зборувала за тоа како се заљубила во Арон за време на снимањето на филмот „Nowhere Boy“, но нагласила дека меѓу нив ништо не се случило сè додека филмот не бил завршен.

„Успеав да се воздржам речиси до самиот крај на снимањето. Тогаш сè уште не бевме заедно. Можеби постоеја чувства, но ништо не презедовме“, истакнала Сем.