[ФОТО] Беше една од најпопуларните Инстаграм ѕвезди, а потоа „исчезна“: Еве како живее Деми Роуз денес

Популарноста ја стекна со објави од патувањата и атрактивните модни комбинации. Патуваше на луксузни дестинации, а беше и глобална амбасадорка на брендот „PrettyLittleThing“.

Според наводите на извори, нејзината компанија во 2021 година имала имот во вредност од околу 1.655.000 долари, истата година кога се приклучила на „OnlyFans“.

Меѓутоа, последните достапни финансиски извештаи на компанијата „Demi Rose Productions Ltd“ покажуваат нето-имот од приближно 33.000 долари во април 2024 година. „Daily Mail“ наведува и дека друга компанија, „Demi Rose Enterprise Ltd“, била затворена во јули 2024 година.

Деми ја објави последната фотографија на Инстаграм во февруари 2023 година. Тогаш им се јави на следбениците од Египет. Само повремено објавува делови од своето секојдневие на Инстаграм стори.

Сега живее на Ибица, во близина на селото Санта Хертрудис, подалеку од познатите клубови на овој шпански остров. „Ibiza Style“ во 2024 година пишуваше дека се посветила на настани на кои не се консумира алкохол, јога и звучна терапија. Таа соработува со локални засолништа за животни.

Деми претходно зборуваше за смртта на двајцата родители. Во подкастот на „PrettyLittleThing“ изјави:

„Ги изгубив двајцата родители. Татко ми почина од рак, а мајка ми доживеа срцев удар што предизвика мозочен удар кога имав 17 години. Станав нејзина негувателка бидејќи остана инвалид“.

Нејзините претставници потврдија дека таа не се повлекла трајно. Во моментов е на пауза од работата и се очекува нејзино враќање, што ќе израдува милиони нејзини следбеници.