Лидерите на Европската унија го завршија самитот во Брисел без договор за буџетот во услови на зголемување на дефицитот, конфликти околу енергијата и миграцијата и со фокус на нови трговски инструменти за заштита од Кина.
Лидерите на ЕУ го завршија денешниот самит во Брисел без договор за буџетот, со нов дефицит од 70 милијарди евра во финансирањето на Украина и отворени конфликти во врска со енергијата и миграцијата, но и со нова решеност да се воспостават нови инструменти за трговска заштита со цел Унијата да се спротивстави на Кина, објавува „Јуроњуз“.
Лидерите на ЕУ се собраа во четвртокот и денес во Брисел со дневен ред што вклучуваше долгорочен буџет, финансиска поддршка за Украина, миграција, енергија и односи со Кина.
Лидерите на ЕУ детално разговараа за следната повеќегодишна финансиска рамка (MFF), но беше постигнат мал напредок, бидејќи некои земји останаа цврсти на своите позиции, според написите.
