Хејли Фолк, 31-годишна писателка од Њујорк е во брак со Кајл Хендерсон, кој живее во Северна Каролина, а нивната врска ја опишува како полиаморна.
Хејли и Кајл се венчале во 2023 година, откако се запознале во 2016 година на концерт во Лас Вегас и неколку години биле пријатели. Во тоа време, таа била во брак со друг маж, од кого се развела во мај 2019 година.
Парот живее на оддалеченост од околу 800 километри еден од друг. Кајл работи во музичката индустрија и живее во Северна Каролина, додека Хејли живее во Њујорк. Таа тврди дека токму оддалеченоста им помага да ја задржат возбудата во бракот.
„Можноста да почувствувам колку ми недостига навистина создава природна искра во нашата врска“, изјавила Хејли за „Сан“. Таа додала дека нивниот сексуален живот е подобар поради исчекувањето на средбите и фактот што не се постојано заедно.
Хејли објаснила дека таа и Кајл од самиот почеток имале полиаморна врска. Таа моментално има девојка и повремено излегува со еден пар, додека Кајл се гледа со пет жени.
Пред врската со Кајл, Хејли била во отворен брак со својот прв сопруг, а открила дека во тој период сфатила дека е бисексуална, а подоцна и полиаморна, особено откако се заљубила во жена со која се состанувала.
Хејли и Кајл практикуваат облик на полиаморија во кој отворено разговараат за своите други партнери, а понекогаш и меѓусебно ги запознаваат. Однапред се договараат кога некој од нив сака да помине време со друг партнер, а нивното правило е да се обидуваат да се гледаат на секои две до три недели.
Нејзиното семејство целосно не го прифатило нејзиниот начин на живот. Хејли изјавила дека нејзиниот татко и баба биле шокирани, додека некои поконзервативни и религиозни членови на семејството дури и ја блокирале. Сепак, рекла дека се чувствува прифатена во кругот на своите пријатели.
