Проценката е над 25 проценти повисока од јулската. Најголем дел од трошоците се поврзани со муницијата.
Американските воени трошоци за војната со Иран надминале 47 милијарди долари, според податоци на Пентагон до кои дошол Ројтерс. Износот е повеќе од една четвртина над јулската проценка на министерот за одбрана Пит Хегсет од 37,5 милијарди долари.
Над 29 милијарди долари се предвидуваат за замена на потрошената муниција, а повеќе од шест милијарди за изгубена воена опрема, вклучително авиони и дронови.
Архивска снимка од лансирање ракети „Томахавк“ од американскиот разурнувач „Мајкл Марфи“. Фото: американска војска преку Reuters
Пентагон не ги објавил јавно најновите бројки и не одговорил веднаш на барањето на агенцијата за коментар. Во проценката не е јасно вклучена целосната цена за поправка на американските бази оштетени во ирански напади.
Објавата доаѓа пред изборите за Конгресот на 3 ноември. Претседателот Доналд Трамп ја остави отворена можноста за обновување на борбените операции по изборите.
Извор: Ројтерс.
