Според достапните податоци, меѓу дестинациите со најголем раст на резервациите се најдоа Дурбан, со зголемување од 80 отсто, Мелбурн со 57 отсто, Кејптаун со 55 отсто, Јоханесбург со 50 отсто и Сиднеј со 48 отсто, пренесе „Euronews“.

Најчесто пребарувани дестинации

Извештајот „Година во патувања 2026“ опфати податоци за пребарувањата и резервациите на патници од Германија, Франција, Шпанија, Португалија, Италија, Велика Британија и САД.

Најчесто пребарувани дестинации на глобално ниво беа Париз, Лондон, Токио, Њујорк и Бангкок.

Кога станува збор за хотелските резервации, меѓу најпопуларните дестинации беа Барселона, Мадрид, Париз, Рим и Амстердам.

Раст на интересот беше забележан и за Каљари, од 78 отсто, Даблин од 76 отсто и Тирана од 74 отсто.

Интересот за следната година

Податоците покажаа дека шпанските градови се особено популарни меѓу патниците од Европа.

Седум од десетте дестинации со најмногу резервации кај шпанските туристи беа во нивната земја, додека кај германските патници Палма де Мајорка и Барселона ги зазедоа првите две места.

Кај француските патници најмногу резервации забележа Маракеш, пред Барселона и Лисабон, додека португалските туристи најчесто ги избираа Париз, Барселона и Мадрид. Италијанците најмногу резервираа патувања во Барселона, Тирана и Париз.

Извештајот укажа и на интересот за патувања во 2027 година.

Токио, Лондон, Париз, Орландо и Канкун се меѓу дестинациите за кои патниците веќе покажуваат интерес, додека и меѓу најчестите пребарувања се наоѓаат истите градови.