Американскиот претседател Доналд Трамп најави дека САД ќе ја прекинат годишната финансиска помош од четири милијарди долари за Израел до крајот на годината, по договор со израелскиот премиер Бенјамин Нетанјаху. Трамп истакна дека Израел повеќе нема потреба од помошта и може самостојно да набавува американско оружје.
Американскиот претседател, Доналд Трамп, изјави дека постигнал договор со израелскиот премиер, Бенјамин Нетанјаху, за прекин на редовната американска финансиска помош за Израел до крајот на годината.
„Нетанјаху и јас пред неколку месеци се договоривме да престанеме да му исплаќаме на Израел четири милијарди долари годишно. До крајот на годинава ќе престанеме со тие исплати, а во иднина ќе му помагаме на Израел ако има потреба“, изјави Трамп за „Фокс њуз“.
BREAKING: President Trump says the U.S. will end roughly $4 billion in annual aid to Israel by the end of the year, revealing that Prime Minister Benjamin Netanyahu agreed to the decision.
“Because they don’t need it,” Trump said during an exclusive interview on @foxandfriends, describing Israel as a thriving country that no longer requires American financial assistance.
Trump also said Netanyahu raised the idea of ending the aid himself. He emphasized that Israel remains one of America’s most reliable allies as the two countries prepare for a major shift in their financial relationship.
Download the FOX News app for the latest details: https://t.co/ISpW9Fc0R3
— Fox News (@FoxNews) November 3, 2026
Тој додаде дека Израел повеќе нема потреба од таква финансиска помош и дека може самостојно да купува американско оружје.
Засега не е јасно на кој финансиски аранжман се однесува изјавата. Постојниот договор за американска воена помош на Израел, во вредност од 3,8 милијарди долари годишно, истекува во 2028 година.
Кабинетот на Нетанјаху засега не ги коментирал тврдењата на Трамп.
