[ФОТО] Дали ова е најсексапилната сирена? Жешкото издание на фаталната бринета ги „урна“ социјалните мрежи

Контроверзната актерка Меган Фокс сподели на Инстаграм низа фотографии на кои е целосно непрепознатлива во улогата на мистериозна сирена, а нејзиниот изглед ги спои проѕирните материјали, металик-деталите и морничавата атмосфера на Ноќта на вештерките. Фотографиите ги направила Сибел Леви.

Сепак, вниманието не го привлече само костимот. Трансформацијата вклучувала и необичен детаљ на рацете, како и шминка украсена со мноштво ситни светкави украси, кои дополнително придонеле за впечатокот дека станува збор за суштество што штотуку излегло од морските длабочини, пишува „Marca“.

За ова фотографирање Фокс избрала минијатурен сребрен топ со металик-ефект, во комбинација со парче облека што се протегало долж вратот и торзото. Долниот дел од костимот го сочинувало проѕирно здолниште во сини нијанси, кое имитирало опашка на сирена.

Еден од највпечатливите детали бил на нејзините раце. Актерката имала кожички меѓу прстите, исклучително долги црни нокти и сребрени украси што потсетувале на лушпи на морско суштество. Изгледот го надополнила со црна коса со ефект на мокра коса, сини контактни леќи и ситни светкави камчиња распоредени по лицето.

„Песната беше стапица, а морето гробница“, напиша Меган под објавата.

Станува збор за алузија на древните легенди за сирените, митски суштества чија песна ги мамела морнарите и ги водела во сигурна смрт.