Алесандра Амбросио повторно поминува време на Бали, местото каде што неодамна ѝ беше предложен брак од Бак Палмер.
Промената на годишното време го поттикна ангелот на „Викторија Сикрет“, Алесандра Амбросио, да отпатува во потоплите поднебја во потрага по сонцето. Откако доминираше на модната ревија на „Викторија Сикрет“, оваа убавица објави нови жешки фотографии.
Бразилскиот супермодел (45) беше фотографиран за време на луксузен одмор на Бали, каде што ја покажа својата неверојатна фигура под тропското сонце во минијатурно бикини од брендот „Fae“, кој е познат по своите „мини бикини“.
Станува збор за дводелен модел со зебра дезен, наречен „Lumi & Jones Savanna“, украсен со светли портокалови рабови, објавува „HELLO“.
Нејзиниот изглед на одмор беше олицетворение на природната убавина. Алесандра носеше минимална шминка, додека кафеавата коса со руси прамени ја пуштила слободно да паѓа.
Официјалниот профил на брендот „Викторија Сикрет“ брзо реагираше на фотографиите со коментар: „Наше девојче“, заедно со емотикон со ѕвезда. Еден обожавател напиша: „Сјаеш“, додека друг додал: „Мојот ангел“.
Алесандра моментално ужива на одмор со свршеникот Бак Палмер, дизајнер на машки накит и додатоци.
Децата на Алесандра, Ања и Ноа, кои ги има со нејзиниот поранешен свршеник, американскиот бизнисмен Џејми Мазури, се чини дека се со нив.
