Некогаш беше ѕвезда на Јувентус, а денес работи како келнер за да преживее: “Ги потрошив парите на обложување, бавни коњи и брзи жени”

Супермен

14/10/2019

10:52

2.677

Големина на фонт

а а а

На денешен ден во 1973 година е роден легендарниот уругвајски фудбалер Фабијан О’Нил.

О’Нил е роден во гратчето Пасо де лос Торос во областа Такуарембо, Уругвај. Тој е најстар од петте деца на таткото Луис Алберто O’Нил и мајката Мерцедес Домингез. 

Фабијан ја започнал професионалната кариера во Насионал кој се натпреварувал во Првата лига на Уругвај, а во првиот тим бил во периодот од 1992 до 1995 година. Во 1996 година потпишува за Калјари (Италија) во кој останува до 2000 година, а потоа заминува за Јувентус. Во јануари 2002 година потпишува за Перуџа, за најпосле да се врати во Калјари кој тогаш беше во Серија Б.

По ова, следело пензионирање – O’Нил се вратил во Уругвај каде се посветил на одгледување стока на ранч. Меѓутоа, во јануари 2003 година одлучил да ѝ се врати на најважната споредна работа на светот и повторно потпишал за Насионал. Но, за уругвајскиот прволигаш во таа сезона, Фабијан настапил само 5 пати.

Местел натпревари во италијанскиот фудбал

“Додека бев играч на Калјари, наместив натпревар со Кјево. И на едните и на другите им одговараше реми додека се боревме за опстанок. Од главните луѓе на своите клубови добивме и награда за опстанок во лигата. Договорив реми со капитенот на Кјево, како и со своите соиграчи. Дури отидовме и во обложувалница да вложиме пари на нерешен резултат. Во 87-мата минута поведовме со 2:1 преку Диего Лопез. Му пријдов и му реков: “Исправи го ова, биди виновен за примениот гол или ќе нè распнат. И тогаш до крајот на мечот примивме гол”, изјавил Уругваецот.

Тој истакнал дека наместил уште еден натпревар додека играл за Перуџа.

“Бев капитен на Перуџа. Договорив резултат и повторно сите се обложивме. Сè пројде како што се договоривме”, рекол O’Нил.

Тој на крајот рекол дека во текот на играњето во Серија А водел лична војна со бројни фудбалери, пред сè со Џенаро Гатузо.

Ги потрошил парите на обложување, бавни коњи и брзи жени

“Кога потпишав за Јувентус, од идол на екипата се претворив во најлош играч бидејќи околу мене беа феномени како што е Зидан. Само поради него сега навивам за Реал Мадрид”, открил Фабијан.

“Повеќе немам ништо. Потрошив 14 милиони долари. Кој е виновен? Виновни се бавните коњи и брзите жени”, изјавил тој и додал:

“Сиромашен сум, но повторно сум среќен. Најважно е што јас и моето семејство имаме за јадење. Пронајдов вистински пријатели, оние вистински, а не лажни кои беа покрај мене додека бев богат”.


O’Нил го потрошил своето богатство на алкохол и ноќни забави:

“Јас сум виновен. Жените се заљубуваа во моите пијани изданија, а потоа се обидуваа да ме променат. Никој не можеше да ме промени. Дури ми нудеа и професионална помош. Од мене се побогати и моите поранешни сопруги”, навел фудбалерот кој денес работи како келнер.


Спонзорирани линкови

Маркетинг
назад до tocka.com.mk