SpaceX ја лансира ракетата Falcon 9 во рамките на програмата позната како Rideshare во која бројни компании ѝ плаќаат на компанијата на Илон Маск за нивната технологија да ја лансира во вселената.
Ракетата Falcon 9 на SpaceX полета во неделата и во вселената однесе досега најголем број на сателити.
Енди Тран, челник на SpaceX изјави дека ракетата Falcon 9 пренесува 133 комерцијални и владини сателити, како и уште 10 сателити на SpaceX.
„Ова е досега најголемиот број на сателити кои се превезуваат во една мисија“, порача Тран.
Falcon 9 launches 143 spacecraft to orbit — the most ever deployed on a single mission — completing SpaceX’s first dedicated SmallSat Rideshare Program mission pic.twitter.com/CJSUvKWeb4
— SpaceX (@SpaceX) January 25, 2021
Компанијата која ја основаше Илон Маск планира во орбитата да лансира илјадници помали сателити кои ќе ја формираат големата мрежа Starlink која од вселената ќе обезбедува брз пристап до интернет насекаде во светот.
Некои научници сепак се загрижени поради големиот број на сателити кои кружат околу Земјата, иако SpaceX тврди дека сателитите се конструирани така што самите горат во атмосферата после неколку години.