Мекиците се вкусно печиво кое можете да го јадете со солени или слатки прилози, бидејќи одлично одат во комбинација со чаша јогурт и крем сирење, како и со домашен џем.

Сите состојки кои ви требаат ги имате дома, па не мора да одите ни до продавница.

Исклучително вкусни, меки и воздушести – не постои човек кои ќе ги одбие.

Потребни состојки:

- 350 гр. брашно
- 10 гр. прашок за печиво
- 1 лажиче сода бикарбона
- 225 мл. ладно млеко
- 2 рамни лажички сол
- 12 мл. масло

Начин на подготовка:

Измешајте ги брашното, прашокот за печиво, содата и солта и постепено додавајте млеко.

Соединете ја смесата, па додајте го и маслото.

Замесете тесто и покријте го, па оставете го да отстои 40 минути.

Потоа премесете го тестото, завиткајте го во проѕирна фолија, па оставете го да одмори 4-5 часа на собна температура или ставете го во фрижидер преку ноќ.

Расукајте го тестото со прсти или со сукало, на 1/2 см дебелина, па исечете ленти. Потоа земете стапче за раженчиња и малку намокрете го.

Со стапчето притиснете по средината на секоја лента од тестото, а потоа ставете две ленти една врз друга и повторно притиснете на средината.

Вака подготвените мекици пржете ги на загреано масло.