Некои опции кои се полни со шеќери, нездрави масти и рафинирани јаглехидрати, можат да предизвикаат зголемување на шеќерот во крвта и да придонесат за вишокот килограми. Диететичарката Мишел Сари навела две такви опции кои доведуваат до тие состојби.

Житарки за појадок

Многу од житарките кои се консумираат за појадок се преполни со рафинирани јаглехидрати и дополнителни шеќери, што може да доведе до нагло зголемување на шеќерот во крвта по консумирањето.

Ова зголемување на шеќерот во крвта може да доведе до пад на енергијата, зголемена глад и желба за повеќе слатка храна во текот на денот, а тоа може да ја зголеми телесната тежина.

„Не се сите житарки исти, но оние популарните имаат тенденција да содржат многу шеќери без дополнителни нутритивни вредности. Доколку житарките немаат растителни влакна, тогаш не ви помагаат да го регулирате шеќерот во крвта“, вели Сари.

Доколку сепак сакате да јадете житарки за појадок, таа ве советува да бирате опција со помалку шеќер.

Пекарски производи

Многу од пекарските производи кои се консумираат за појадок, како што се мафини и разни печива, имаат висока содржина на рафинирани шеќери и рафинирано брашно. Овие рафинирани јаглехидрати можат да предизвикаат пораст на нивото на шеќер во крвта и потенцијално да придонесат во отпорноста на инсулин со текот на времето.

Калоричната природа на овие намирници во комбинација со нивната често ниска нутритивна вредност може да доведе до зголемување на телесната тежина.

„Различните слатки и солени печива се преполни со масти и шеќери од кои ниту еден не е добар за здравјето. Наместо да купувате печива, наутро подгответе си храна од дома која може да си ја понесете на работа. На пример, направете си тост и намачкајте го со здрав путер од кикиритки или земете си банана“, заклучила диететичарката.