Таа бара отштета од 2 милиони долари

Во тужбата, Џенифер тврди дека била ангажирана како танчерка во 2001 или 2002 година да работи на настан на Плејбој и била снимена како танцува речиси гола. Таа тврди дека никогаш не дала согласност нејзиното голо тело да биде прикажано во документарната серија и ја тужи „A&E“ за „комерцијална и сексуална експлоатација“. Во својата тужба, Џенифер тврди дека „A&E“ прво ја прикажале гола во првата епизода од втората сезона и вели дека снимката се повторува во следните епизоди од втората сезона, без нејзина согласност или надомест.

Таа изјави дека нејзиниот живот драстично се променил откако тоа видео е снимено во вилата на Плејбој. Таа се омажи и стана мајка и е „скршена од оваа експлоатација, а особено во овој момент од нејзиниот живот“, тврди Џенифер, која бара отштета од најмалку 2 милиони долари од „A&E“.

Тој беше гладен за власт

„Secrets of Playboy“ ги пренесува сведоштвата на оние кои биле блиски до Хефнер и Плејбој империјата што тој ја создал.

„Она што се обидувам да го кажам е дека Хефнер уништи многу животи. Тој беше гладен за моќ, не се грижеше за животите на овие жени. Сè беше за тоа како луѓето го гледаат. “, изјавила Пи Џеј Мастен, која работеше како „мајка на Плејбој зајачиците“.

"Јасно беше дека ние не сме ништо за него. Тој беше како вампир. Им го цицаше животот на тие млади девојки во текот на сите тие децении", додала Сондра Теодор, девојката на Хефнер кон крајот на 1970-тите. Хефнер почина во 2017 година на 91-годишна возраст.