Според истражувањето спроведено од "Alzheimer’s Research UK" по повод одбележувањето на Денот на свеста за Алцхајмерова болест (21 септември), само една третина од луѓето знаат дека ризикот од деменција може да се намали. Затоа, многумина не се свесни дека можат да го намалат ризикот од оваа болест, која е збир на симптоми поврзани со постепеното губење на функциите на мозокот.
„Околу 40 проценти од случаите на деменција може да се избегнат. Никогаш не е премногу рано или доцна да се преземат чекори за да се намали ризикот“, изјави д-р Сузан Мичел за "The Mirror".
Таа додава дека иако во моментов не постои „сигурен начин да се спречи деменција“, постојат многу мали чекори што можеме да ги преземеме за да го намалиме ризикот од развој на болеста.
Еден начин е секојдневно вежбање или градинарство, забележува д-р. Мичел. „Не мора да биде ништо комплицирано. Што и да можете да направите е чекор напред“. Физичката активност е особено важна бидејќи протокот на крв во мозокот е клучен за здравјето на нашиот мозок, особено во случај на васкуларна деменција.
Исто така, вежбањето не мора да значи часови поминати во теретана. Лекарот вели дека тоа може да биде нешто едноставно, како одење на прошетка, градинарство или дури и домашни работи.
„Што и да можете да направите е подобро од ништо. Вежбањето е добро за менталното здравје, што значи дека е добро за здравјето на мозокот.
Националната здравствена служба (NHS) препорачува приближно 150 минути физичка активност неделно.
Денес
