По победата на изборот, нејзините фотографии се проширија на социјалните мрежи, но многумина во коментари напишаа дека Идил не заслужила да победи, дека изборот бил наместен и ја исмевале поради нејзиниот изглед.

„Сестро, можеш да продолжиш да мислиш дека си убава, цела Турција ја знае вистината“, „Ако таа е Мис, тогаш јас можам да се кандидирам за претседател“, „Навистина не сакаме таа да нè претставува на светскиот натпревар“ , „Извини, но подобро да земевте некоја девојка од улица“, „По сите критики почнаа да ја фотошопираат“, „Само излезете на улица, првата девојка што ќе ја видите ќе биде поубава од неа“ , се нижат коментарите на Инстаграм.

Идил смета дека убавината не е најважна

За Идил пишуваа и бројни странски медиуми. Се наведува дека натпреварот „би можел да биде наместен“ со оглед на тоа што таткото на младата Идил е амбасадор на Турција во Киев. Сепак, таа вели дека натпреварот не се однесува само на убавина туку и на други поважни работи како интелигенција. Таа се надева дека ќе ја одбрани титулата и ќе докаже дека заслужено ја носи.

Идил по професија е докторка, а на Инстаграм ја следат 32.000 луѓе. Често објавува фотографии од приватниот живот. Откако беше крунисана за Мис Турција, младата докторка рече: „Многу сум возбудена и среќна. Навистина сакав да победам, но не мислев дека тоа всушност ќе се случи. Горда сум што можам да ја претставувам мојата земја на светскиот избор“.