Секој вторник и петок во скопската населба Маџари, познатиот бувљак живнува од рани зори, собирајќи ги граѓаните во потрага по уникатни, стари и евтини предмети.
Местото претставува жив пазар на старата школа каде што може да се најде буквално сè – од облека, накит и мебел, до алати, музички плочи, книги и храна.
Раздвижени редови и богат избор го прават овој пазар популарен не само меѓу локалците туку и кај туристите, кои уживаат во магијата на прошетката низ редовите полни со историја и сеќавања.
Но, низ ова шаренило на стока и стари предмети, секогаш постои и ризикот за здравјето на потрошувачите.
Ситуацијата доби сериозен пресврт на последниот пазарен ден, кога инспекторите на Агенцијата за храна и ветеринарство (АХВ) спроведоа вонредна контрола и запленија 100 килограми небезбедна храна, вклучувајќи чоколадни бонбони, чипсови, кроасани, конзерви и други производи.
Оваа храна, продавана од физичко лице на отворено, со истечен рок на употреба и без познато потекло, претставуваше сериозна опасност за потрошувачите и беше уништена, додека на продавачот му беше изречена парична казна.
„Овде секогаш има сè што ќе посакаш, но прашање е колку е безбедно,“ споделува една купувачка. „Многу луѓе не ни прашуваат за рокот на производите, бидејќи цените се ниски“.
Од Агенцијата за храна и ветеринарство упатија апел до граѓаните да внимаваат и да купуваат храна исклучиво од регистрирани оператори под надзор на инспекциските служби.
Производите кои се продаваат на бувљакот од нерегистрирани физички лица можат да бидат не само со поминат рок, туку и складирани во несоодветни услови, без соодветна контрола и хигиенски стандарди.
Остатокот од текстот можете да го прочитате ТУКА.
