Имено, на социјалните мрежи се прошири видеото од реакцијата на пејачката Кејси Масгрејвс, чиј албум „Deeper Well“ исто така беше номиниран за албум на годината, но ја доби само наградата за најдобра кантри песна („The Architect“).

На „X“ се шири снимка од моментот кога албумот на Бијонсе е прогласен за албум на годината, а кантри пејачката ѝ аплаудирала на колешката со „кисел“ израз. Многу гледачи забележале дека таа не е баш воодушевена од победата на Бијонсе, а потоа, се разбира, започнале и шегите на нејзина сметка.

„Изразот на лицето кажува се“

„Што не е во ред со твоето лице?“, „Кејси Масгрејвс изгледа луто, тоа ме развесели“, „Дали е лута затоа што Бијонсе освои награда? Дефинитивно изгледа така“, „Изразот на нејзиното лице говори сè“ и „Секогаш изгледа така поради ботоксот, не верувам дека е лута“ се само дел од коментарите.

Инаку, Бијонсе и официјално стана најноминирана уметничка во историјата на Греми со вкупно 99 номинации. „Сакам да им се заблагодарам на сите кантри уметници кои го прифатија овој албум затоа што работевме толку напорно на него. Сакам да ги охрабрам луѓето да го прават она што го уживаат и сакам да порачам дека секогаш треба да бидете упорни“, изјавила таа.