Синот на Џордан приведен во Америка поради поседување кокаин, полицајците го снимиле моментот: Јас сум син на „Ем-Џеј“

Имено, како што информираат американските медиуми, 34-годишниот Маркус бил приведен од полицијата поради тоа што возел во алкохолизирана состојба, но во автомобилот бил пронајден и кокаин.

Синот на Џордан ги навредувал службените лица и давал отпор пред да биде уапсен, но истовремено им порачувал на полицајците дека негов татко е големио Ем-Џеј.

Од прикажаната снимка на „ТМЗ“, снимен е моментот кога Маркус излегува од својот автомобил со кој се заглавил во близина на железничка пруга, како и секвенци од неговиот разговор со полицајците.

– Јас сум син на Мајкл Џордан, не правам ништо погрешно и се обидувам само да стигнам до дома. Направив само погрешно вртење и се заглавив во пругата…., – порачал Маркус, кој се обидел да го искористи значењето на неговиот татко за да се извади од голем проблем.