Двејн „The Rock“ Џонсон го открил застрашувачкото искуство во кое неговиот приватен авион доживеал механички проблем среде лет. Ѕвездата на „WWE“ бил принуден да се врати на Хаваи додека бил на пат за Хјустон, Тексас поради хидраулични проблеми. Открил дека „вкрстувал прсти“ со надеж дека безбедно ќе слета и брзо сфатил што му е навистина важно во животот.
Актерот целата случка ја раскажал во видеото објавено на платформата „Икс“ присетувајќи се на моментите кога пилотот го известил, додека летале за Хјустон, дека треба да се вратат на Хаваи од каде што полетале половина час претходно.
Во пораката до обожавателите на социјалните мрежи, Џонсон го опишал застрашувачкото искуство додека му се заблагодарил на пилотот за неговото мирно однесување за време на летот. Тој рекол: „Синоќа имавме проблеми со авионот“, а потоа раскажал што всушност се случило:
Super bummed I can’t be in Texas but so grateful we were able to land the plane safely.
— Dwayne Johnson (@TheRock) March 29, 2025
So sorry to our @TheUFL fans, players, coaches, staff and our teams at @FOXSports @espn I’m not there.
Let’s have a great season 2 opening weekend, have fun, and ball out. pic.twitter.com/9FgwLIUSS5
„Пилотот се соочи со мене, лице в лице, во авионот сум само јас. Тука беше и екипажот. И ми вели: Господине Џонсон, се извинувам што ве известувам на овој начин, но не можеме да продолжиме да летаме преку океанот. Имаме проблем“ вели Џонсон цитирајќи ги зборовите на пилотот.
Во еден момент, Џонсон се фатил себеси како размислува за смртта:
„Дали е тоа тоа? Дали вака се одјавувам?“.
„Навистина го ценам неговиот став, тој е капетан Дејвид. Го ценам неговиот став во тој момент, а тој рече дека проблемот со хидрауликата е поради прегревање. Ни соопшти дека постојат некои проблеми кои можеме да ги решиме додека сме во воздух, но има некои проблеми што нема да ги ризикуваме, особено над океанот.“
Џонсон продолжил: „Кога си таму одзади сам, само со пијалак во рака, размислуваш за сето ова и ги стискаш палците надевајќи се дека ќе се вратиш безбедно, многу брзо сфаќаш што е навистина важно во животот“.
„Тогаш ќе сфатиш што е тоа што не значи ништо, а за што постојано си размислувал и си се грижел. Имав еден од тие моменти минатата ноќ. Заклучокот е: Благодарен сум што се вратив на земјата. Благодарен сум што се вратив дома на Хаваи. Го ценам Бога, универзумот … Сепак, би сакал да бев таму во Хјустон.“
Рок летал во Тексас за првиот викенд на „United Football League“, чиј коосновач е тој. Актерот упатил извинување до обожавателите и тимовите за неговото отсуство во твит, повторно изразувајќи ја својата благодарност што неговиот приватен авион „Gulfstream G650“ вреден 50 милиони фунти (65 милиони долари) безбедно слетал, пишува „The Sun“.
Џонсон на Твитер напишал: „Извинете што не можам да бидам во Тексас, но благодарни што успеавме безбедно да слетаме“.
